آئیڈیل سلیس ایسوسی ایشن جلگاؤں کی جانب سے دعوت افطارکی شاندار تقریب کا انعقاد

جلگاؤں: (پریس ریلیز) :آئیڈیل سلیس ایسوسی ایشن جلگاؤں ضلع کی منفرد تنظیم ہے جو سلیس سے وابستہ افراد کا متحدہ پلیٹ فارم ہے جو ایک عرصہ سے تعلیمی،ثقافتی و ترقیاتی کاموں میں مصروف عمل ہے ۔۔حال ہی میں ایسوسی ایشن کے صدر دفتر کی افتتاحی تقریب منعقد کی گئی تھی ۔ انہی کاموں کی وجہ سے آئیڈیل سلیس ایسوسی ایشن دور دراز کے علاقوں میں بھی متعارف ہوئی ہے ۔۔اسوسی ایشن نے سلیس اور مارکیٹنگ سے وابستہ افراد کو جوڑنے کی خاطر دعوت افطار (افطار پارٹی) کا اہتمام کیا ۔ جو جلگاؤں شہر کے مرکز ی علاقہ مہرون کے ایچ جے تھیم کالج کے گراؤنڈ پر رکھی گئی ۔۔ اس افطار پارٹی میں ضلع جلگاؤں کے سلیس سے وابستہ افراد نے کثیر تعداد میں شرکت کی ۔
دعوت افطار کے پروگرام کا آغاز ذیشان خان یعقوب خان کی تلاوت قرآن سے ہوا ۔ صدارتی انتخاب کا اعلان فیضان نے کیا صدارت کے لئے حاجی ڈاکٹر عبدالکریم سالار صاحب کا نام پیش کیا گیا اور اسرار دیشمکھ نے تائید کی ۔ اس کے بعد مہمانان کا استقبال اور گُل پوشی بالترتیب مناف شیخ , مجاہد پٹھان ، یعقوب خان ،جاوید شیخ ،بختیار شیخ ، عابد شیخ ،وقار شیخ ،اظہر حسین ، رئیس باغبان ، عرفان عباسی ،متین شاہ اور الفرا ز نے کیا ۔ افتتاحی کلمات ایسوسی ایشن کے صدر جناب مناف شیخ نے پیش کیے ۔ بعد ازاں مہمان خصوصی امیر جماعت اسلامی ہند ضلع جلگاؤں سہیل امیر نے رمضان میں امت کے نوجوانوں کا رول اور اس کے ساتھ دعوتِ اسلام کے فرائض پر مفصل روشنی ڈالی ۔ حالات حاضرہ میں سلیس سے وابستہ نوجوانوں کی زمہ داریوں کی نشان دہی کی ۔ صدارتی خطبہ حاجی ڈاکٹر عبدالکریم سالار صاحب نے دیا اور آئیڈیل سلیس ایسوسی ایشن کے نوجوانوں کو جہد مسلسل اور افطار پارٹی کے بہترین انتظامات پر مبارک باد پیش کی اور منصوبہ بندی کے ساتھ گامزن رہنے کی تاکید کی ساتھ ہی ھم وطن بھائیوں کو دعوت اسلام اور اسلام کے پیغام کو فروغ دینے پر زور دیا ۔۔ مہمانان خصوصی کے طور پر سلیم انعام دار صاحب، حمید شاہ صاحب ، آصف شاہ صاحب ، نعیم صاحب بادلی والا ،انیس شاہ صاحب اسٹیج پر حاضر تھے ۔ جلگاؤں ضلع کے مشہور شاعر جناب صابر مصطفیٰ آبادی صاحب نے نظامت کے فرائض انجام دیئے ۔ پروگرام کو کامیاب بنانے کے لئے ایسوسی ایشن کے زمہ دران کے ساتھ مشرف شیخ ،سیّد رضوان ، متیں شاہ ،اظہر قاضی ،شیخ حنیف ،کاشف شیخ ، ارسلان پٹھان ، آصف باغبان ، مستقیم شاہ اور عبدالرشید شیخ نے محنت کی ۔ ضلع جلگاؤں کے دیگر علاقوں سے سلیس وابستہ زمہ داران وسیم شیخ ،عارف علی، رئیس شیخ اور دیگر رفقاء نے شرکت کی اور شاندار تقریب پر مبارک باد پیش کی ۔ افطار و طعام پر پروگرام کا اختتام عمل میں آیا ۔۔۔