مضامین

بہت حسین ہیں اللہ پر کامل یقین کا سفر

از قلم: فرح ناز (Msc(SE
بنت عبدالرب فاروقی
رحمت نگر ناندیڑ

اللہ پر یقین رکھنے والوں کے لئے موجزن ایسے ہوتے ہیں جہاں ان کا گمان بھی نہ جائے.سچا مسلمان وہی ہے جو اللہ پر کامل یقین رکھتا ہے اور اللہ سے ڈرتا ہے. ایسے لوگوں کے لئے اللہ اسے راستے کھول دیتا ہے جہاں ان کا گمان بھی نہ جاتا ہوں لیکن آج ہم سب ایمان سے کافی دور ہوتے جا رہے ہیں اور غفلت کی زندگی جی رہے ہیں ہر ضروریات کے لئے اس رب کو پکارو جو ہمارے لئے کافی ہے
قرآن کی ایک آیت ہے:
وَمَنْ يَتَوَكَّلْ عَلَى اللَّهِ فَهُوَ حَسْبُهُ
جو اللہ پر یقین رکھتا ہے بھروسہ کرتا ہے اللہ اس کے لیے کافی ہوتا ہے اس کی ضروریات کا خود ہوتا ہے اور اس کی مدد ایسے کرتا ہے کہ ہم گمان بھی نہیں کر سکتے..
اے ایمان والو! تم اللہ پر بھروسہ رکھ کر تو دیکھو وہ تمہیں اتنا دے گا کہ تم خوش ہو جاؤ گے. اور وہ تمہارے لئے راستے ایسے بنائے گا کہ تم حیران ہو جاؤ گے. بے شک اللہ پر بھروسہ کرنے والا کبھی ناکام ہو ہی نہیں سکتا. ناممکن ہے جو اللہ پر بھروسہ کیا اور اللہ اس کو نہ نوازے
اے مسلمان! اللہ تو ایسے بندوں کو بہت پسند کرتا ہے محبت کرتا ہے جو اس کی ذات پر کامل یقین رکھتے ہیں.
اللہ سبحان تعالی اپنے بندوں سے فرماتے ہیں” اگر تم اپنے رب پر بھروسہ رکھتے ہو تو یہ بھی جان لو تمہارا رب تمہارے گھروں سے وہ کبھی ٹوٹنے نہیں دے گا” سبحان اللہ
بس ایک بار اپنے رب پر کامل یقین رکھو اس کی ذات پر اتنا یقین رکھو جتنا اس کا حق ہے پھر دیکھنا ایسے مرضی ہونگے کہ آپ حیرت میں پڑ جاؤ گے کہ اللہ نے میری مدد کس طرح کی. اتنا نوازا مجھے.
” اللہ پر کامل یقین رکھنے والوں کو وہ نوازتا ہے یقین سے زیادہ گمان سے باہر”
اللہ پر یقین رکھنے والوں کے لئے اللہ رزق کے دروازے یہاں سے کھول دیتا ہے جہاں ہماری سوچ جا ہی نہیں سکتی. بے شک وہ رحمان ہے رحیم ہیں. اپنے بندوں کو ناراض نہیں کرتا ذرا سی دیر لگتی ہے مگر وہ مالک دیکھ کر ہی رہتا ہے. جب کبھی تم دعا مانگو اور وہ قبول نہ ہو تو گلے شکوے کرنے کے بجائے صبر سے رحمت کا انتظار کریں. اس کے وہاں دیر ضرور لگتی ہے لیکن وہ جب نوازنے پر آتا ہے تو جھولیاں بھر دیتا ہے. بس جب کبھی زندگی کی پریشانیوں اور مصیبتوں میں آجاؤ تو جائے نماز بچھا کر اس سے پکارو. وہ دے گا ضرور دے گا کیونکہ وہی دے سکتا ہے کوئی اور نہیں.
جب بھی دعا مانگو تو کامل یقین کے ساتھ مانگو کہ” اب یہ دعا ضرور قبول ہوگی” کیونکہ غفلت اور ناامیدی رکھنے سے دعا قبول نہیں ہوتی. بس دعا کرو اور اپنا سارا معاملہ رب کے حوالے کر دو اور بے فکر ہو جاؤ. جب اللہ پر جو معاملہ چھوڑا جاتا ہے وہ ضرور پورا ہوتا ہے اور اگر دعا قبول ہونے میں دیر لگے تو ناراض مت ہونا کیونکہ اللہ سبحانہ تعالی نے ہر چیز کا وقت مقرر کیا ہے وقت سے پہلے اور نصیب سے زیادہ کبھی نہ ملا ہے نہ ملے گا. بس کوشش کرے نماز اور قرآن کی تلاوت کریں اور ایسے عمل کرے جو رب کو پسند ہو
اللہ سبحان تعالی اپنے بندوں سے فرماتا ہےاللہ:
ایک تیری چاہت ہے ایک میری چاہت ہے
ہوگا وہی جو میری چاہت ہے
اگر تو نے سپرد کردیا اپنے آپ کو اس میں جو میری چاہت ہے
تو میں تجھے وہ دوں گا جو تیری چاہت ہے
اگر تو نے مخالفت کی اس کی جو میری چاہت ہے
تو میں تھکا دوں گا تجھ کو اس میں جو تیری چاہت ہے
پھر ہوگا وہی جو میری چاہت ہے
اللہ کے حکم کے خلاف جا نہ کر دنیا میں خوش رہ سکتے ہیں نہ آخرت میں.. اے مسلمانو !
اپنے رب کے بتائے ہوئے راستے پر عمل کرو گے تو دنیا ہی جنت بن جائے گی اور وہ تمہارے حالات اور ضروریات کو پورا کرے گا کہ حیران ہو جاؤ گے
اللہ کے حکم پر تو کوئی عمل کرے گا دنیا اور آخرت میں کامیاب و کامران رہے گا. جب وہ اپنے رب پر یقین رکھ کر اپنی زندگی کے تمام کام کو انجام دے گا کامیاب رہے گا کیونکہ جو اللہ پر کامل یقین رکھتا ہے وہ کبھی ناکام نہیں ہوتا. ویسے انسان زندگی میں کامیاب ہوتے ہیں کیونکہ انھیں پتہ ہوتا ہے جو کچھ کرے گا اللہ ہی کرے گا کسی انسان میں عطا کرنے کی صلاحیت نہیں ہے..
یہ میرا خود کا ذاتی تجربہ ہے جو اللہ پر کامل یقین رکھتا ہے اس کے لئے اللہ عزوجل راستے کھول دیتا ہے کہ ہم ہیں رازداں ہو جاتے ہیں کہ یہ کیسے ہوا?
اللہ پر کامل یقین رکھنے والے لوگوں کو کامیابی قدم چومتی ہے اور اللہ ایسے لوگوں سے بہت محبت کرتا ہے اور ان کی تمام کاموں کی ذمہ داری خود لے لیتا ہے

اللہ ہم سب کو اس پر کامل یقین رکھنے کی توفیق عطا کرے اور ہماری نماز اور عبادت قبول فرمائیں
آمین ثم آمین

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
error: انتباہ:مواد محفوظ ہے