آئیٹا اکولہ لیڈیز ونگ کی جانب سے فن خطاطی کلاس کی ابتداء

اکو لہ: (ڈاکٹر ذاکر نعمانی) :آل انڈیا آئیڈیل ٹیچرس ایسوسی ایشن (آئیٹا) اپنے اساتذہ کی فکری وفنی تربیت پر خصوصی توجہ دیتی ہے۔جس کے لیے سیمینار اور ورکشاپ کا انعقاد کیا جاتا ہے۔ آئیٹا اکولہ کی لیڈیز ونگ کی جانب سے خواتین کے لیے فن خطاطی کلاس کی ابتدا کی گئی۔ یہ کلاس ہر سنیچر کو ، شہر کے قلب میں واقع مدرسہ تعلیم القرآن ( کھنگر پورہ) میں منعقد کی جائے گی۔ ماہر خطاط مغفور سر کی نگرانی میں چلنے والی اس کلاس میں کئیں خواتین اساتذہ نے داخلہ لیا ہے۔ کلاس کا مکمل نظم آئیٹا اکولہ کی لیڈی کنوینر محترمہ ناہید باجی کے ذمہ دیا گیا ہے۔ اس موقع پر آئیٹا اکولہ کے ضلعی سیکرٹری مسعود حسین نے ماہر خطاط مغفور سر کا استقبال کیا۔ واضح رہے کہ مغفور سر نے اپنی خدمات مفت میں مہیا کروائی ہے۔ آئیٹا اکولہ یونٹ کے صدر محترم ریاض سر نے مغفور سر کا خصوصی شکریہ ادا کیا ہے ۔