امیت شاہ باباصاحب امبیڈکر کا نام احترام سے لیں: انقلاب سیوا سمیتی کا مطالبہ

اکولہ: (بذریعہ شیخ لقمان ) :مرکزی وزیر داخلہ امت شاہ نے پارلیمنٹ میں بابا صاحب امبیڈکر کا نام نا مناسب طریقے سے لیا جس کو دیکھتے ہوۓ انقلاب سیوا سمیتی کے با نی محمّد اعجاز محمّد طاہر نے صدر دروپدی مرمو کو ایک میمورنڈم بھیج کر یہ درخواست کی ہے۔
ڈاکٹر بابا صاحب امبیڈکر کو ہندوستانی آئین کے معمار اور ایک سماجی مصلح کے طور پر پورے ملک میں احترام کیا جاتا ہے۔ ان کی شراکت کو یاد کرتے ہوئے، انقلاب سیوا سمیتی کے بانی صدر محمّد اعجاز محمد طاہر نے صدر دروپدی مرمو سے درخواست کی ہے کہ ڈاکٹر بھیم راؤ امبیڈکر ایک عظیم انسان تھے۔ ان کے کام کو پارلیمنٹ میں عزت دی جانی چاہیے۔ کمیٹی کے مطابق ڈاکٹر امبیڈکر ایک واحد عظیم انسان تھے جن کی جگہ کوئی رہنما یا فرد نہیں لے سکتا۔ اس لیے انہوں نے مطالبہ کیا ہے کہ پارلیمنٹ میں ان کا باعزت طریقے سے ذکر کرکے ان کے کام کی تعریف کی جائے۔
درخواست میں کہا گیا ہے کہ اگر پارلیمنٹ میں باباصاحب کا باعزت تذکرہ نہ کیا گیا تو ان کے لاکھوں چاہنے والوں کے جذبات کو ٹھیس پہنچ سکتی ہے۔جس کی وجہ سے بڑے پیمانے پر لوگ سڑکوں پر آکر احتجاج کرسکتے ہے۔ کمیٹی نے وزیر داخلہ سے درخواست کی ہے کہ وہ پارلیمنٹ میں اس پر مناسب رائے دیں۔
کمیٹی نے اپنے بیان کے ذریعے عوام کے جذبات کا اظہار کیا ہے اور حکومت پر زور دیا ہے کہ وہ اس سلسلے میں فوری طور پر سخت اقدامات اٹھائیں