نوٹ پرنٹنگ : 10 سے 2000 روپے کے نوٹ کو چھپوانے میں کتنا خرچ آتا ہے ؟ کیا آپ کو معلوم ہے ، جاننے کے لئے پڑھیں تفصیلی رپورٹ

ممبئی: (کاوش جمیل نیوز) :آر بی آئی نے 2000 روپے کے نوٹ کو چلن سے نکالنے کا فیصلہ کیا ہے۔ یہ نوٹ 30 ستمبر سے گردش سے واپس لے لیا جائے گا۔ اب بہت سے لوگوں کے ذہن میں یہ سوال ہے کہ نوٹ چھاپنے پر کتنا خرچ آتا ہے؟ نوٹ چھاپنے کے لیے آر بی آئی کو پرنٹنگ لاگت ادا کرنی پڑتی ہے۔ مہنگائی کے ساتھ ساتھ پرنٹنگ لاگت میں بھی اضافہ ہوا ہے۔ کاغذ اور سیاہی کی قیمتیں سالوں میں بڑھی ہیں۔ اس سے نوٹ چھپائی کی لاگت بھی بڑھ گئی ہے۔ آئیے جانتے ہیں کہ 10 روپے سے لے کر 2000 ہزار روپے کے نوٹ کو پرنٹ کرنے کے لیے کتنی لاگت آتی ہے۔
RBI کو 500 اور 2000 روپے کے نوٹوں کے بجائے 200 روپے کے نوٹوں کی پرنٹنگ کا سب سے زیادہ خرچ برداشت کرنا پڑتا ہے۔ کرنسی نوٹ جتنا چھوٹا ہوگا، پرنٹنگ کی قیمت اتنی ہی زیادہ ہوگی۔ یعنی 10 روپے کے نوٹ کی پرنٹنگ لاگت سب سے زیادہ ہے۔ دوسری جانب 200 روپے کے نوٹ 2000 اور 500 روپے کے مقابلے زیادہ چل رہے ہیں۔ لہذا پرنٹنگ کی قیمت زیادہ ہے۔
آر بی آئی کے مطابق 10 روپے کے چھوٹے نوٹ یعنی 1000 کے نوٹ پرنٹ کرنے پر 960 روپے خرچ ہوتے ہیں۔ یعنی ایک نوٹ چھاپنے پر 96 پیسے خرچ ہوتے ہیں۔ تو 20 روپے کے 1000 نوٹ چھاپنے پر 950 روپے خرچ ہوتے ہیں۔ یعنی ایک نوٹ چھاپنے پر 95 پیسے خرچ ہوتے ہیں۔ اسی طرح 500 روپے کے 1000 نوٹ چھاپنے پر 2290 روپے خرچ ہوتے ہیں۔