ورلڈ کپ کے دوران آئی سی سی کی بڑی کاروائی ؛ سری لنکا کرکٹ پر کی گئی معطلی کی کاروائی ؛ کیا ہے وجہ پڑھیں تفصیلی رپورٹ

دبئی: (کاوش جمیل نیوز) :انٹرنیشنل کرکٹ کونسل (آئی سی سی) نے ون ڈے ورلڈ کپ کے دوران چونکا دینے والا فیصلہ کیا ہے۔ آئی سی سی نے سری لنکن کرکٹ بورڈ کے خلاف معطلی کی کارروائی کی ہے جو گزشتہ کچھ دنوں سے زیر بحث ہے۔ یہ فیصلہ آج 10 نومبر کو ہونے والے آئی سی سی کے اجلاس میں کیا گیا اور اسے فوری طور پر نافذ کر دیا گیا ہے۔
بھارت میں جاری آئی سی سی ون ڈے ورلڈ کپ میں سری لنکن کرکٹ ٹیم کی کارکردگی ناقص رہی۔ سری لنکا کو 2 نومبر کو ممبئی میں بھارت کے خلاف لیگ میچ میں 302 رنز سے شکست کا سامنا کرنا پڑا۔ اس کے بعد سری لنکا کے وزیر کھیل نے بورڈ کے اندر کرپشن کے الزامات پر کرکٹ بورڈ کو برخاست کر دیا۔ اس کے علاوہ، سابق ورلڈ کپ فاتح کپتان ارجن راناتنگا کی قیادت میں ایک عبوری کمیٹی مقرر کی گئی تھی۔
سری لنکا کے وزیر کھیل کے اس اقدام کے بعد آئی سی سی نے آج بڑا فیصلہ لیا۔ سری لنکا کو آئی سی سی نے بورڈ کے کام میں حکومتی مداخلت پر معطل کر دیا ہے۔ 6 نومبر کو سری لنکا کے وزیر کھیل روشن رانا سنگھے نے کرکٹ بورڈ کو برخاست کر دیا اور راناتنگا کی سربراہی میں ایک عبوری کمیٹی مقرر کی۔ کمیٹی سپریم کورٹ کے ریٹائرڈ جج اور بورڈ کے سابق چیئرمین پر مشتمل تھی۔
بورڈ جو کہ آئی سی سی کا رکن ہے کے کام کاج میں حکومت کی کوئی مداخلت نہیں ہونی چاہیئے۔ آئی سی سی کے ممبران کو اس اصول پر سختی سے عمل کرنا ہوگا۔ آئی سی سی نے یہ کارروائی سری لنکن حکومت کی بورڈ کے کام کاج میں مداخلت پر کی ہے۔