ونچیت فیکٹر کی وجہ سے ہی ہوا تھا کانگریس کا گیم ؛ لیکن اب پرکاش امبیڈکر کو ہی کامیاب سیاست کے لئے کانگریس کی پڑے گی ضرورت ! پڑھیں کاوش جمیل کی تفصیلی رپورٹ
کاوش جمیل کی
اسپیشل رپورٹ
2019 میں کانگریس-این سی پی کو ونچیت بہوجن اگھاڑی کی وجہ سے نقصان اٹھانا پڑا تھا ۔ اور بی جے پی کی جیت یقینی ہوگئی تھی تاہم، کانگریس اور این سی پی کے لیے درد سر بنے ہوئے ونچیت بھی کانگریس کے خلاف جا کر کامیاب سیاست نہیں کر سکے۔ خود پرکاش امبیڈکر کو بھی کئی بار کانگریس کی مدد کے بغیر شکست کا سامنا کرنا پڑا۔ اگرچہ ونچیت بہوجن اگھاڑی نے ریاست بھر میں کانگریس کو جھٹکا دیا ہے، لیکن کانگریس کی وجہ سے پرکاش امبیڈکر اپنے گڑھ میں بھی کامیاب نہیںہوسکے تھے ۔ پرکاش امبیڈکر کے پاس اکولہ ضلع میں فیصلہ کن طاقت ہے۔ تاہم پرکاش امبیڈکر کو لوک سبھا انتخابات جیتنے کے لیے کئی سال انتظار کرنا پڑا۔ اب انہوں نے اعلان کیا ہے کہ وہ 2024 میں ایک بار پھر اکولہ سے الیکشن لڑیں گے۔ لیکن یہ دیکھنا ضروری ہے کہ پرکاش امبیڈکر کے لیے یہ لڑائی کتنی آسان ہوگی۔
2001 میں کانگریس سے علیحدگی کے بعد پرکاش امبیڈکر نے ایک آزاد تحریک شروع کی۔ جیسے ہی پرکاش امبیڈکر نے کانگریس مخالف سیاست شروع کی، کانگریس نے امبیڈکر کی بالادستی کو کمزور کرنے کی کوشش شروع کردی۔ لیکن پرکاش امبیڈکراورکانگریس کے درمیان تنازعہ کا فائدہ بی جے پی کو ہوا۔
اکولہ لوک سبھا حلقہ کی تاریخ
1. 2004 میں، بی جے پی، کانگریس اور ونچیت یعنی پرکاش امبیڈکر کے درمیان تین طرفہ لڑائی ہوئی۔
2. بی جے پی کے سنجئے دھوترے نے کانگریس امیدوار لکشمن راؤ تائیڑے اور پرکاش امبیڈکر کے درمیان ووٹوں کی تقسیم کی وجہ سے کامیابی حاصل کی۔
3. 2009 میں کانگریس کے امیدوار بابا صاحب دھابیکر نے امبیڈکر کی اکثریت کھو دی، بی جے پی امیدوار سنجئے دھوترے دوسری بار جیت گئے۔
4. 2014 میں کانگریس امیدوار ہدایت پٹیل کو ڈھائی لاکھ ووٹ ملے تھے۔ چنانچہ پرکاش امبیڈکر تیسرے نمبر پر پھینکے گئے اور سنجئے دھوترے آرام سے جیت گئے۔
5. 2019 میں، امبیڈکر بی جے پی کے خلاف لڑے، لیکن سنجئے دھوترے جیت گئے کیونکہ کانگریس کے ہدایت پٹیل کو ڈھائی لاکھ ووٹ ملے تھے۔
اکولہ میں کانگریس اور ونچیت کے حق رائے دہندگان ہیں۔ کانگریس اور ونچیت نے اتحاد کا مظاہرہ کیا تو بی جے پی امیدوار کا ہارنا طے ہے۔ تاہم، کانگریس اور پسماندہ طبقے کے درمیان ووٹوں کی تقسیم کی وجہ سے بی جے پی کی جیت ہوتی رہی ہے۔ اگر ونچیت اور کانگریس 2024 کے لیے ایک ساتھ آنے کا فیصلہ کرتے ہیں تو بی جے پی مشکل میں پڑ سکتی ہے۔
2019 کے انتخابی نتائج
1. بی جے پی کے سنجئے دھوترے کو 5 لاکھ 54 ہزار ووٹ ملے۔
2. ونچیت کے پرکاش امبیڈکر کو دو لاکھ 78 ہزار ووٹ ملے۔
3. کانگریس کے ہدایت پٹیل کو دو لاکھ 54 ہزار ووٹ ملے۔
اگر ہم ان اعدادوشمار پر نظر ڈالیں تو اگر ونچیت اور کانگریس کی طاقت ایک ساتھ آتی ہے تو بی جے پی کو سخت چیلنج مل سکتا ہے۔ کانگریس اور ونچیت کے درمیان لڑائی کی وجہ سے بی جے پی اکیلے ہی اپنی بالادستی برقرار رکھنے میں کامیاب رہی ہے۔ 2024 کے لیے بھی اگر پرکاش امبیڈکر ‘ایکلا چلو رے’ کا موقف اختیار کرتے ہیں تو انہیں بی جے پی کے سامنے کانگریس کے چیلنج کا سامنا کرنا پڑے گا۔ کیا پرکاش امبیڈکر کے لیے لوک سبھا جنگ آسان ہوگی ؟ یہی سوال ہمارے ذہینوں میں ہے
