![Maulana Ilyas Khan Falahi](https://kawishejameel.com/eetsigry/2023/09/Maulana-Ilyas-Khan-Falahi.jpg)
جماعت اسلامی ہند مہاراشٹر نے ستارا تشدد کی مذمت کی، مجرموں کے خلاف سخت کارروائی کا مطالبہ
ممبئی: جماعت اسلامی ہند مہاراشٹر کے امیر حلقہ مولانا الیاس خان فلاحی نے ستارا ضلع کے کھٹاو تعلقہ کے گاؤں پسی ساؤلی میں ہوئے تشدد کی مذمت کی ہے اور تشدد کے ذمہ داروں کے خلاف سخت کارروائی کا مطالبہ کیا ہے۔ میڈیا کو ایک بیان میں، جماعت اسلامی ہند مہاراشٹر کے امیر نے کہا، “ہم پسی ساؤلی میں تشدد کی مذمت کرتے ہیں۔ ایک بہت بڑا ہجوم کا عبادت گاہ کو نذر آتش کرنا اور قانون کو اپنے ہاتھ میں لے کر دوسرے مکانات اور دکانوں پر نشانہ بنانا سراسر قابل مذمت ہے۔ بتایا جاتا ہے کہ ایک نوجوان اپنی جان سے ہاتھ دھو بیٹھا ہے اور دوسرا شدید زخمی ہے ۔ یہ بہت سنگین مسئلہ ہے کہ مہاراشٹر جیسی پرامن اور ترقی پسند ریاست میں اس طرح کا واقعہ رونما ہو رہا ہے۔ اس کے ذمہ دار کچھ سماج دشمن عناصر اور مفاد پرست ہیں جو معاشرے کو مذہبی خطوط پر تقسیم کرنے اور پولرائز کرنے کی کوشش کر رہے ہیں۔ میں سب سے اپیل کرتا ہوں کہ وہ ان کے ایجنڈے کا شکار نہ ہوں۔ ہمیں امن اور فرقہ وارانہ ہم آہنگی کو برقرار رکھنا چاہیے، کسی اشتعال انگیزی کا شکار نہیں ہونا چاہیے‘‘ ۔
مولانا الیاس خان فلاحی نے مزید کہا کہ “ہم واقعے کی اعلیٰ سطحی انکوائری کا مطالبہ کرتے ہیں، اس انکوائری کی رپورٹ کو عام کیا جانا چاہیے۔ جماعت سول سوسائٹی کی ایک فیکٹ فائنڈنگ کمیٹی بھی شروع کرے گی اور حقائق کا پتہ لگانے کے لیے پسی ساؤ لی، ستارہ کا دورہ کرے گی۔ ایف آئی آر درج ہونے کے باوجود ہم دیکھتے ہیں کہ متاثرین کو انصاف نہیں ملتا۔ تشدد کے مرتکب افراد کو سزا نہیں ملتی کیونکہ چارج شیٹ “نامعلوم افراد” کے خلاف ہے۔ ہر کوئی بے بسی کی التجا کرتا ہے اور جیسے جیسے جرم کی سزا نہیں ملتی تشدد کا سلسلہ جاری رہتا ہے۔ جماعت اسلامی ہند، مہاراشٹر کا مطالبہ ہے کہ جاں بحق ہونے والے مقتول کے لواحقین کو مناسب معاوضہ دیا جائے، جن کے گھر اور دکانیں جلائی گئی ہیں انہیں بھی معاوضہ دیا جائے، عبادت گاہ کو عبادت کیلئے بحال کیا جائے اور قصورواروں کو کیفر کردار تک پہنچایا جائے۔