اکولہ: بی جے پی کے سینئرایم ایل اے گووردھن شرما چل بسے

اکولہ: (کاوش جمیل نیوز) :بھارتیہ جنتا پارٹی کے سینئر لیڈر، ایم ایل اے اورسابق وزیر مملکت گووردھن شرما کا اکولہ میں جمعہ کی رات تقریباً 8.30 بجے کینسر سے انتقال ہوگیا۔ ان کی عمر 74 برس تھی۔ انہوں نے مسلسل 29 سال تک اکولہ سے ایم ایل اے کے طور پر بی جے پی کی نمائندگی کی۔ ایم ایل اے گووردھن شرما کی موت کی وجہ سے سیاسی، سماجی اور مذہبی شعبوں میں سوگ کی فضا پھیل گئی ہے۔
ایم ایل اے گووردھن شرما اکولہ مغربی اسمبلی حلقہ سے لگاتار چھ بار جیت چکے ہیں۔ وہ سماجی شعبے میں مسلسل کام کر رہے تھے۔ گووردھن شرما گزشتہ کچھ دنوں سے کینسر کے مرض میں مبتلا تھے۔ تقریباً 15 دن پہلے انہیں ممبئی سے اکولہ میں ان کے گھر لایا گیا تھا۔ تشویشناک حالت کے باعث کل رات ان کا انتقال ہوگیا۔ ان کے گھر پر خیر خواہوں کا ہجوم جمع ہو گیا ہے۔ ان کے پسماندگان میں بیوی، دو بیٹے کرشنا اور انوپ، بہو، پوتے پوتیاں ہیں۔
ایم ایل اے گووردھن شرما نے بی جے پی کی ترقی میں اہم کردار ادا کیا۔ وہ گوپی ناتھ منڈے، پرمود مہاجن، پانڈورنگ فنڈکر، پرمیلتائی ٹوپلے، وسنت راؤ دیشمکھ، اکولہ کے ایم پی سنجے دھوترے کے قریب تھے۔ اکولیکر کی خوشیوں اور غموں سے گزرنے والے شخص کے طور پر ان کی شہرت تھی۔ ان کی نعش کو ہفتہ کو ڈبکی مارگ پر اناپورنا ماتا مندر کے قریب سپرد خاک کیا جائے گا۔