اکولہ پولیس کی بہترین کارکردگی ؛ 24 گھنٹے پہلے اغوا کی گئی بچی کو ڈھونڈ نکالا ؛ ایک بھکاری خاتون کو کیا گیا گرفتار ؛ پڑھیں تفصیلی رپورٹ
اکولہ: (کاوش جمیل نیوز) : شہر میں رام داس پیٹھ پولیس نے شہر کے اکوٹ فائل علاقہ کے شنکر نگر سے ایک بھکاری خاتون کو گرفتار کیا ہے۔ پولیس نے اغوا ہونے والی پانچ سالہ بچی کو بازیاب کرا لیا ہے۔ بچوں کو بھیک مانگنے کے لیے استعمال کرنے کے لیے اس ننھی بچی کو اغوا کرنے کی وجہ سامنے آگئی۔
اس لڑکی کو 24 گھنٹے قبل اغوا کیا گیا تھا۔ رام داس پیٹھ تھانہ میں اغوا کا معاملہ درج کیا گیا تھا۔ اس کا نام گڈی روی ملاکر ہے اور وہ چندر پور ضلع کے مہاکالی کالونی، کی رہنے والی ہے۔ رام داس پیٹھ پولیس اسٹیشن کے پولیس انسپکٹر منوج بہورے کے مطابق کل دوپہر کو شکایت درج کرائی گئی کہ گڈی ملاکرتلک پارک علاقہ میں مہادیو مندر کے پاس کھیل رہی تھی تب وہاں سے اُس کو اغوا کرلیا گیا ہے.
روی ملاکر کی پانچ سالہ بیٹی گڈی، مہادیو مندر کے پاس کھیل رہی تھی۔ اسی دوران ایک نامعلوم شخص نے اسے اغوا کر لیا۔ گھر والوں کو جیسے ہی یہ معلوم ہوا تو انہوں نے لڑکی کی تلاش کی۔ لیکن وہ کہیں نہیں مل رہی تھی۔ خوفزدہ کنبہ والوں نے رام داس پیٹھ پولیس میں شکایت درج کرائی۔ اس معاملے میں پولیس نے تعزیرات ہند کی دفعہ 363 کے تحت مقدمہ درج کیا تھا۔ پولیس کو گڈی کی تصویر موصول ہوئی اور فوری طور پر سرچ وارنٹ تیار کرکے شہر کے تمام تھانوں کو بھیج دیا۔
دریں اثنا، شکایت کنندہ کی بھتیجی جیوتی لکھن ملاکر (عمر 12) کی طرف سے دی گئی اغوا کاروں کی تفصیل سے تفتیش شروع ہوئی۔ اس کے علاوہ، اس راستے پر 35 سی سی ٹی وی فوٹیجز کی جانچ کرنے کے بعد، سی سی ٹی وی میں سے ایک میں ایک عورت اپنے چہرے پر رومال باندھی ہوئی نظر آئی۔ اس کی تصاویر حاصل کی گئیں اور عینی شاہدین اور جیوتی کو دکھائی گئیں۔ جس کے بعد اغوارکار خاتون کی شناخت واضح ہو گئی۔ دریں اثنا، خاتون اکوٹ فیل کی رہائشی ہے اور’وہ’ آنکھوں میں سرما لگاتی ہیں، ایک پیر میں کالا دھاگہ اور ٹخنے بندھے ہوئے رہتی ہے۔ یہ بات بھی سامنے آئی کہ وہ شہر میں مندر کے سامنے بھیک مانگ رہی تھی۔
پولیس نے اغوا کار خاتون کو ہفتہ کو دوپہر کے قریب تلک روڈ علاقے میں آتے ہوئے پایا۔ اس کے بعد پولیس اہلکار شیخ حسن کے ساتھ کاویری ڈھاکنے، پرینکا باگلے نے نگرانی رکھی۔ مذکورہ خاتون کو دیکھتے ہی اسے حراست میں لے لیا گیا۔ اس خاتون کا نام انجلی رام داس تائیڑے (عمر 40 سال ساکن بامبو واڑی شنکر نگر اکوٹ فائل، اکولہ) بتایا جارہا ہے۔
جب پولیس نے اغوا کار انجلی تائیڑے سے پوچھ گچھ کی تو اس نے پانچ سالہ بچی گڈی کو اغوا کرنے کا اعتراف کیا۔ اس کے بعد لڑکی کو شنکر نگر کے بامبو واڑی میں واقع اس کی رہائش گاہ سے چھڑایا گیا۔ گڈی کو چھڑاکر والدین کے حوالے کر دیا گیا۔ تفتیش سے معلوم ہوا کہ بچوں کو بیچنے کے لئے نہیں بلکہ بھیک مانگنے کے لیے استعمال کیا جانا تھا۔ پولس انسپکٹر منوج بہورے نے کہا کہ اب ہم اس کے مطابق تحقیقات کر رہے ہیں۔ والدین سے اپیل ہے کہ وہ اپنے بچوں کو پوری طرح نگرانی رکھیں ورنہ ذراسی لاپرواہی بہت بڑے جوکھم کا سبب بن سکتی ہے.(بشکریہ مہاراشٹر ٹائمز)
