شیخ متین شیخ نظیر کے انوویشن کو قومی سطح پر منتخب کیاگیا

بلڈھانہ: تعلیمی میدان میں سرفہرست سر فاؤنڈیشن مہاراشٹرا کے زیر اہتمام ‘قومی سطح کے تعلیمی انوویشن (اختراعی) مقابلہ 2023’ کے حتمی نتائج کا حال ہی میں اعلان کیا گیا۔ اس مقابلے کے لیے ریاست بھر کے ساتھ ساتھ دیگر ریاستوں سے انوویشن (اختراعات) پیش کی گئیں۔
تعلیمی میدان میں اختراعی سرگرمیاں نافذ کرنے کی ضرورت ہے۔ یہی اختراعات دوسرے اساتذہ کو متاثر کرتی ہیں۔ قومی سطح پر ہونے والے اس مقابلے میں بہت سے پیشہ ور اساتذہ نے حصہ لیا، شیخ متین شیخ نظیر ضلع پریشد اردو اعلیٰ تحتانوی بوائز اسکول دیولگھاٹ پنچایت سمیتی بلڈھانہ کی انوویشن ‘پرائمری اسکول کی سطح پر ایکشن ورڈز پریکٹسز’ (ایکشن ورڈز پریکٹسز ایٹ پرائمری اسکول لیول)کو فائنلسٹ کے طور پر منتخب کیا گیا ہے۔ انہیں مئی 2024 میں قومی سطح کی تقریب میں ‘قومی اختراعی ایوارڈز’ (نیشنل انوویشن ایوارڈ) سے نوازا جائے گا۔ سر فاؤنڈیشن کے اسٹیٹ کوآرڈینیٹر سدھارام مشالے، بالاصاحب واگھ، خواتین کی کوآرڈینیٹر ہیما واگھ، آئی ٹی ڈیپارٹمنٹ کے سربراہ راج کرن چوان، تعلیمی حکام، معززین اور اساتذہ ، خاندان، رشتہ داروں اور دوستوں نے اس انتخاب کے لیے ان کی تعریف کی اور مبارکباد پیش کی ہے۔