فلسطین کی حمایت میں ایس آئی او کے زیراہتمام آج بروزسنیچر 28 اکتوبرعام خاص میدان پراحتجاجی جلسہ عام واجتماعی دعا کا اہتمام ؛ ہزاروں لوگوں کی شرکت متوقع

اورنگ آباد: (کاوش جمیل نیوز) :اورنگ شہر کے تاریخی عام خاص میدان میں آج دوپہر 2 بجے اجتماعی دعا کا اہتمام ایس آئی او کی جانب سے کیا گیا ہے .جس میں ہزاروں لوگوں کی شرکت متوقع ہے.اس کے لئے منتظمین نے پروگرام میں کثیر تعداد میں شرکت کی اپیل کی ہے۔ بتادیں اس پروگرام میں خواتین کے لیے آزادانہ انتظامات کیے گئے ہیں۔
فلسطین کی حمایت میں ایس آئی او کے زیر اہتمام اجلاس کو تمام سیاسی و سماجی جماعتوں اور تنظیموں کی حمایت حاصل ہے۔ فلسطین اور اسرائیل کے درمیان جاری جنگ میں فلسطین کی حالت زار صاف نظر آرہی ہے۔ جو لوگ اپنی سرزمین حاصل کرنے کی کوشش کررہے ہیں وہ دنیا اوراقوام متحدہ کی نظروں میں دہشت گرد تصور کیے جارہے ہیں۔ اسرائیل کے ظلم و بربریت کی انتہائی گھناؤنی کارروائیاں منظر عام پر آچکی ہیں جنہیں دیکھ کر ہر باشعور اور ذہین انسان کانپ اُٹھے ہیں۔ لیکن دنیا کی نام نہاد امن پسند تنظیمیں اس معاملے میں کوئی پیش رفت نہیں کررہی ہیں۔ صورتحال اس قدر قابل رحم ہے کہ معصوم اور چھوٹے بچے ابھی تک خالی پناہ گاہوں میں زندگی گزار رہے ہیں۔ عورتیں اور چھوٹے بچے بھی اس سے چھٹے ہوئے نہیں ہیں۔ اب تک 7000 سے زائد لوگ شہید ہوچکے ہیں۔ سنگین اور انتہائی حساس حالات میں ان کی طرف سے آواز اٹھانا ہم سب کی ذمہ داری ہے۔ آپ سب جانتے ہیں کہ اس مقصد کے لیے SIO اورنگ آباد نے آج مورخہ 28 اکتوبر 2023 بروز ہفتہ دوپہر 2 بجے عام خاص میدان میں فلسطین کی حمایت میں ایک حمایتی میٹنگ اور اجتماعی دعا کا اہتمام کیا ہے۔ ایس آئی او کے منتظمین نے اپیل کی ہے کہ اپنے اہل خانہ سمیت عام خاص میدان پر حاضر ہوں۔ تاکہ ہم ان لوگوں کے درد کو پوری طرح سمجھ سکیں جو فلسطینیوں کے ظلم و ستم کے سامنے اپنے اہل خانہ کے ساتھ کھڑے ہیں۔
عام خاص میدان میں شریک ہوتے وقت اور میدان پر موجود لوگوں کے لئے منتظمین کی جانب سے کچھ اصول وضوابط بھی پیش کئے گئے ہیں .لہٰذا اس شرطوں کے ساتھ ہمیں اس پروگرام میں شرکت کرناہے.

اصول و ضوابط

اسلامی اقدار کا خیال رکھیں، نعرے بازی کی اجازت نہیں‌ہوگی،نعرے صرف اسٹیج سے ہی لگائیں‌جائیں‌گے،کسی بھی قسم کے جھنڈے بینر پوسٹر ساتھ نہ لائیں،پُر امن طریقے سے شرکت کریں،نظم وضبط اور صبر کا مظاہرہ کریں،پروگرام کا مقصد اجتعاعی دعا اور فلسطین کی تاریک امت کو واقف کروانا ہے،بحیثیت مومن شرارتی لوگوں پر نظر رکھیں اور منتظمین کو اُن کی اطلاع دیں،اُن سے خود نہ اُلجھیں،پانی کا نظم رہے گا لیکن احتیاط کے طور پر پانی کی بوتل گھر سے بھی ساتھ بھرکر لائیں.