پونہ: اسٹیٹ ایگزامینیشن کونسل کی سابقہ کمشنر شیلجا دراڈے کو کیا گیا گرفتار؛ کیسے دیا 5 کروڑ کا دھوکہ ؟ پڑھیں رپورٹ

پونے: (کاوش جمیل نیوز) :مہاراشٹر اسٹیٹ ایگزامینیشن کونسل کی سابقہ کمشنر شیلجا رام چندر داراڈے (ساکن پاشان) کو 44 لوگوں کو 5 کروڑ روپے کی دھوکہ دہی کے معاملے میں گرفتار کیا گیا ہے۔ اس معاملے میں ان کے ساتھ ان کے بھائی دادا صاحب رام چندر داراڈے ( ساکن انداپور) کے خلاف ہڈپسر تھانے میں مقدمہ درج کیا گیا تھا۔
پوپٹ سکھ دیو سوریہ ونشی (ساکن کھانجوڑواڑی، آٹپاڑی، سانگلی) نے اس سلسلے میں شکایت درج کرائی ہے۔ سوریہ ونشی ایک ٹیچر ہیں اور ان کا رشتہ دار ٹیچر کی نوکری چاہتا تھا۔ جون 2019 میں سوریہ ونشی نے ملزم دادا صاحب دراڈے سے ملاقات کی۔ انہوں نے کہا کہ ان کی بہن شیلجا دراڈے محکمہ تعلیم میں افسر تھیں۔ میں نے کہا کہ میں آپ کی دو رشتہ دار خواتین کو ٹیچر لگاتا ہوں۔ ملزم دادا صاحب نے انہیں لالچ دے کر ہڈپسر میں ان سے 27 لاکھ روپے لئے۔ کچھ مہینے گزرنے کے بعد بھی رشتہ دار خواتین کو نوکری نہ ملنے پر سوریہ ونشی نے پیسے مانگے۔ تاہم اس نے رقم واپس کیے بغیر دھوکہ دیا۔
دریں اثنا، اس سے قبل اس کے بھائی دادا صاحب رام چندر داراڈے (ساکن اکولے، ضلع انداپور) کو گرفتار کیا گیا ہے۔ دونوں کے خلاف تھانہ ہڈپسر میں دھوکہ دہی اور غبن کا مقدمہ درج کر لیا گیا ہے۔ اس معاملے میں پوپٹ سکھ دیو سوریہ ونشی (50، ساکن کھانجوڑ واڑی، تعلقہ آٹپاڑی، ضلع سانگلی) نے شکایت درج کرائی ہے۔