کولہاپور میں خوفناک حادثہ، تیز رفتار کار نے 3 دو پہیہ گاڑیوں کو ماری ٹکر؛ 3 کی موت، 6 شدید زخمی
کولہاپور: (کاوش جمیل نیوز) :کولہاپور کے سائبر چوک پر ایک خوفناک کار حادثہ سامنے آیا ہے۔ تیز رفتار فور وہیلر نے 3 دو پہیوں پر سوار 7 افراد کو ٹکر مار دی جس میں 3 افراد ہلاک ہوگئے۔ 6 دیگر شدید زخمی ہیں۔ اس میں کار تہس نہس ہوگئی اور علاقہ شیشے اور ٹوٹے ہوئے دو پہیہ گاڑیوں سے بھر گیا ہے۔ دریں اثنا، اس واقعہ کی سی سی ٹی وی فوٹیج سامنے آئی ہے اور اس میں دیکھا جا رہا ہے کہ تین دو پہیہ گاڑیوں کو ایک تیز رفتار فور وہیلر نے اڑا دیا۔ دریں اثنا، شدید زخمیوں کو کولہاپور کے سرکاری اسپتال میں داخل کرایا گیا ہے اور ان کا علاج چل رہا ہے۔
موقع سے موصولہ اطلاع کے مطابق کولہاپور کے سائبر چوک پر دوپہر ڈھائی بجے کے قریب ایک خوفناک حادثہ پیش آیا۔ شیواجی یونیورسٹی سے سائبر چوک کی طرف آنے والی سڑک پر چار پہیوں والی سنٹرو کار کے ڈرائیور وسنت چوان (72) نے گاڑی پر سے کنٹرول کھو دیا۔ یہ فور وہیلر تیز رفتاری سے سائبر چوک میں داخل ہوئی اور سامنے سے آنے والے تین دو پہیہ سواروں کو ٹکر مار دی۔ ٹکر اتنی شدید تھی کہ موٹر سائیکل سوار چند فٹ دور جا گرے۔ پھر کارآگے جاکر ستون سے ٹکرا گئی.
اس میں کار ڈرائیور کے ساتھ ہرشد پاٹل اور پردیپ پاٹل نامی تین لوگوں کی موقع پر ہی موت ہو گئی۔ دھناجی شنکر کولی، شوبھانگی دھانجی کولی، سمرتھ پنکج پاٹل، جے راج پاٹل، پرتھمیش پاٹل، میور کھوت نامی چھ افراد شدید زخمی ہیں اور ان کا سی پی آر اسپتال اور نجی اسپتال میں علاج چل رہا ہے۔ وسنت چوان، جو اس حادثے میں کار کا ڈرائیور تھے، شیواجی یونیورسٹی کے سابق وائس چانسلر ہیں اور ان کی عمر 72 سال تھی۔ ان کے سرپر مارلگنے سے اُن کا علاج جاری تھا کہ نجی اسپتال میں دوران علاج ان کی موت ہوگئی۔
