جلگاؤں:محمد شیبن شیخ جاوید پنجاری گورنمنٹ کالج میں ایم بی بی ایس کے لیے منتخب

اکولہ: (ڈاکٹر ذاکر نعمانی) :جلگاؤں مہرون کے علاقے سے تعلق رکھنے والے محمد شیبن شیخ جاوید پنجاری حال ہی میں بلڈھانہ گورنمنٹ میڈیکل کالج میں ایم بی بی ایس (بیچلر آف میڈیسن اینڈ بیچلر آف سرجری) کورس کے لیے منتخب کیا گیا ہے ۔ انہوں نے نیٹ 2024 کے امتحان میں 637 نمبر حاصل کرکے اپنی محنت اور لگن کو ثابت کیا ہے۔محمد شیبن کی اس کامیابی پر پورے جلگاؤں شہر میں ، خاص طور پر مہرون کے علاقے میں خوشی کا ماحول ہے ۔بتا دیں کہ محمد شیبن شیخ جاوید پنجاری کے بیٹے ہیں ۔والد کا پیشہ ہارڈ ویئر کا ہے۔ والدہ شیخ الہند پرائمری اسکول میں معلمہ ہے ۔ اپنے خاندان کے تعاون اور اپنی محنت پر انحصار کرتے ہوئے شیبن نےنیٹ امتحان میں بہترین نمبر حاصل کیے ہیں ۔ شیبن نے اپنی کامیابی کا ثمرہ اللہ تعالیٰ کے بعد والدین ،دوست احباب اور عزیز و اقارب کو دیا ہے۔مہرون کے شہریوں نے ان کی کامیابی کا خیر مقدم کیا ہے اور انہیں دل سے مبارکباد دی ہے ۔ اس کامیابی کے ساتھ ، محمد شیبن نے علاقے کے نوجوانوں کے لیے ایک متاثر کن مثال قائم کی ہے ۔ ان کی محنت اور ہمت کے اس سفر نے جلگاؤں کے طلباء کو نئی امید اور مواقع کی راہ دکھائی ہے ۔طبی تعلیم کے لیے نیک خواہشات پیش کیں اور ان کے روشن مستقبل کے لیے دعاؤں کا اظہار کیا ۔