مہاراشٹر: گرام پنچایت انتخابات میں بی جے پی پہلے نمبر پر؛ بی جے پی کے ریاستی چیف ترجمان کیشو اپادھیائے نے دی معلومات
ممبئی: (کاوش جمیل نیوز) :بھارتیہ جنتا پارٹی کے ریاستی چیف ترجمان کیشو اپادھیائے نے پیر کو زور دے کر کہا کہ بھارتیہ جنتا پارٹی ریاست میں گرام پنچایت انتخابات میں 210 گرام پنچایتیں جیت کر نمبر ایک پارٹی بن گئی ہے۔ وہ بی جے پی کے ریاستی ہیڈکوارٹر میں منعقدہ پریس کانفرنس سے خطاب کررہے تھے۔ اس موقع پر بی جے پی کے ریاستی میڈیا ڈیپارٹمنٹ کے سربراہ نوناتھ بان موجود تھے۔ مسٹر اپادھیائے نے ذکر کیا کہ رائے دہندگان مہاوتی حکومت کے ترقیاتی کاموں سے مطمئن ہیں اور رائے دہندوں نے حکومت میں اپنا اعتماد ظاہر کیا اور 723 میں سے 441 سیٹوں پر مہاوتی کو جیت دلائی۔
مسٹراپادھیائے نے کہا کہ وقتاً فوقتاً مخالفین اور خاص طور پر سنجے راؤت چیلنج کر رہے تھے کہ “صرف ایک بار الیکشن کر لیں پھر تصویر صاف ہو جائے گی”۔ راؤت جیسے لیڈروں نے اس نتیجے کی تعریف کی ہے۔ 723 سیٹوں کے نتائج میں بی جے پی نے 210 سیٹوں پر کامیابی حاصل کی ہے، اجیت پوار کے گروپ نے 121 اور شندے کے گروپ نے 110 سیٹوں پر کامیابی حاصل کی ہے۔دوسری طرف مہاویکاس اگھاڑی میں شرد پوار کے گروپ نے 65 سیٹیں جیتی ہیں، کانگریس نے 51 سیٹوں پر کامیابی حاصل کی ہے۔ ادھو ٹھاکرے کے گروپ نے صرف 34 سیٹیں جیتی ہیں۔ اپادھیائے نے کہا: ریاست میں ‘مہایوتی’ نے مہاوکاس اگھاڑی سے تین گنا زیادہ سیٹیں جیتی ہیں۔ مسٹر ادھو ٹھاکرے گروپ اس انتخاب میں آخری نمبر پر ہے۔ اپادھیائے نے انہیں مبارکباد دی اور تنقید بھی کی۔
بارامتی تعلقہ میں مہایوتی نے تمام جگہوں پر کامیابی حاصل کی ہے اور موہول تعلقہ میں بھی بی جے پی کو 100 فیصد کامیابی ملی ہے۔ شری اپادھیائے نے کہا، بی جے پی عوام کے ذہن میں پارٹی ہے اور انتخاب کی سطح سے قطع نظر بی جے پی کے ترقیاتی کاموں کو عوام کی ترجیح مل رہی ہے.
