پوری دنیا میں میٹا سروس بند ہونے کے بعد دوبارہ بحال؛ موبائل، لیپ ٹاپ میں اکاؤنٹس خود بخود ہوگئے تھے لاگ آؤٹ ؛ اکاونٹس معمول پر

میٹا دنیا بھر میں بند ہو گیا تھا۔ جس کی وجہ سے فیس بک، انسٹاگرام سمیت تمام میٹا ایپلی کیشنز اور سوشل میڈیا سائٹس بند ہوگئے تھے ۔ ہر کسی کے فون، لیپ ٹاپ اور کمپیوٹر پر فیس بک، انسٹاگرام اکاؤنٹس خود بخود لاگ آؤٹ ہو گئے تھے۔ صارفین کو شکایت تھی کہ لاگ ان کرنے کی کوشش کے باوجود ایپلیکیشن شروع نہیں ہورہی تھی۔ انسٹاگرام پر تصاویر اور ویڈیوز نظر نہیں آرہے تھے۔ ہندوستان میں رات 9 بجے سے META خدمات مکمل طور پر معطل تھیں۔
فیس بک، انسٹاگرام، میسنجر، تھریڈز اور میٹا سمیت دیگر تمام ایپلی کیشنز اور ویب سائٹس بند تھیں۔ اس حوالے سے میٹا کی جانب سے کوئی سرکاری بیان ابھی تک سامنے نہیں آیا ہے۔ ماضی میں بھی جب بھی فیس بک کی سروس معطل ہوئی، میٹا نے کبھی بھی سروس معطل کرنے کی وجہ نہیں بتائی۔ دریں اثنا، Downdetector کی ایک رپورٹ کے مطابق، ملک میں میٹا کی سروس 9.10 بجے IST سے معطل تھیں.لیکن اب دوبارہ یہ سروسیس بحال ہوگئی ہیں..اب صارفین ان اکاونٹس کو ایکسیس کرسکتے ہیں.
​