بیڑ: نشے میں والدین پرجان لیوا حملہ، مرغی کاٹنے کے کویتے سے کیا گیا حملہ؛ دادی کی ہوئی موت

بیڑ: (کاوش جمیل نیوز) : ریاست میں دن بہ دن جرائم کی شرح میں اضافہ ہوتا جا رہا ہے۔ اسی دوران، ضلع بیڑ کے پرلی شہر کے تلابکٹہ علاقے میں رہائش پذیر 20 سالہ ارباز رمضان قریشی نے نشے کی حالت میں اپنے ہی گھر والوں پر مرغی کاٹنے کے کویتے سے حملہ کر دیا۔ اس حملے میں 90 سالہ دادی کی موت ہو گئی جبکہ والدین شدید زخمی ہو گئے۔
پرلی شہر کے تلابکٹہ علاقے میں رہائش پذیر رمضان قریشی کا مرغی کا گوشت بیچنے کا کاروبار ہے۔ ان کا بیٹا ارباز قریشی اکثر نشے میں رہتا تھا۔ گزشتہ روز ہفتہ کی شام تقریباً 5:30 بجے جب وہ گھر آیا تو نشے کی حالت میں گھر کے تمام افراد پر مرغی کاٹنے کے کویتے سے حملہ کر دیا۔ اس میں دادی زبیدہ ابراہیم قریشی (عمر 90 سال)، والدہ سمینہ قریشی (عمر 45 سال)، اور والد رمضان قریشی (عمر 50 سال) شدید زخمی ہو گئے۔
زخمیوں کو شہریوں نے پرلی سب ڈسٹرکٹ اسپتال میں داخل کرایا، جہاں ابتدائی طبی امداد کے بعد ان کی حالت تشویشناک ہونے پر امبا جوگائی کے سوامی رامانند تیرتھ اسپتال منتقل کیا گیا۔ رات تقریباً 7:30 کے بعد اس واقعے میں زخمی زبیدہ قریشی (ملزم کی دادی) دم توڑ گئیں۔ اس دوران، اورنگ آباد پولیس نے ملزم نوجوان کو حراست میں لے لیا ہے۔ (بشکریہ : نیوز سورس : مہاراشٹر ٹائمز)