امراوتی: نوینت رانا کو دھمکی دینے والے شخص کو چھتیس گڑھ سے کیا گیا گرفتار؛ کون ہے دھمکی دینے والا شخص ؛ پڑھیں تفصیلی رپورٹ

امراوتی: (کاوش جمیل نیوز) : بی جے پی کی لیڈر اور سابق رکن پارلیمنٹ نوینت رانا کو سوشل میڈیا پر گالیاں دے کر اور جان سے مارنے کی دھمکی دینے والے نوجوان کو امراوتی پولیس نے گرفتار کر لیا۔ تکنیکی جانچ کے بعد کرائم برانچ کی ٹیم نے ملزم کو چھتیس گڑھ کے بھیلائی سے حراست میں لے لیا۔ ملزم کے ساتھ تعاون کرنے والے مزید چار افراد کو بھی پولیس نے پکڑ لیا ہے۔
گرفتار ملزم کا نام شیخ عیسیٰ شیخ موسیٰ (28 سال، رہائشی پتھرَوٹ، ضلع امراوتی) ہے۔ اسے فرار ہونے میں مدد کرنے والے اس کے بھائی شیخ مستاق شیخ موسیٰ (32 سال، پتھرَوٹ)، بہنوئی محمد زاکر شیخ حسن (37 سال، انجن گاؤں سُرجی)، اور ملزم کو انجن گاؤں سے مال گاڑی میں بھیلائی لے جانے والے ایجاز خان احمد خان (24 سال، پتھرَوٹ) اور زبیر سلطان سوداگر (21 سال، تارودہ ردّھاپور) کو بھی پولیس نے حراست میں لیا ہے۔
نوینت رانا کو انسٹاگرام اکاؤنٹ سے گالیاں دے کر اور جان سے مارنے کی دھمکی دی گئی تھی۔ اس معاملے میں پولیس نے “عیسیٰ بھائی” کے نام سے چلنے والے اکاؤنٹ ہولڈر کے خلاف مقدمہ درج کیا تھا۔ کرائم برانچ یونٹ نمبر 2 کے پولیس انسپکٹر سندیپ چوہان نے ملزم کو گرفتار کرنے کے لیے الگ الگ ٹیمیں تشکیل دی تھیں۔
یہ ٹیمیں انجن گاؤں سُرجی، پرتواڑہ، ناگپور، تمسر، تیروڈہ، دُرگ اور رائے پور بھیجی گئیں۔ دو دن تک مسلسل معلومات اکٹھی کی گئیں۔ خفیہ خبر رساں اور تکنیکی تجزیے کی بنیاد پر پولیس کو ملزم کا پتہ چلا۔ معلوم ہوا کہ شیخ موسیٰ اپنے داماد جعفر خان عرف دادو اسلام خان (رہائشی بھیلائی) کے گھر پر ہے۔ پولیس نے وہاں سے ملزم کو حراست میں لیا۔
شیخ موسیٰ کو فرار ہونے میں مدد کرنے والا عبد المالک شیخ حسن (انجن گاؤں سُرجی) اور پناہ دینے والا جعفر خان دونوں فرار ہیں۔
نوینت رانا نے کہا: “ہندو دھرم کی آواز بلند کرنے والی کو آج رکشا بندھن کے دن جان سے مارنے کی دھمکی دینے والے کو پولیس نے گرفتار کیا۔ اس سے یہ واضح ہو گیا کہ مہاراشٹر میں خواتین محفوظ ہیں۔ مجھے گلا کاٹنے کی دھمکی دی گئی، مگر میں ڈرنے والی نہیں۔ میں ہندو دھرم کی آواز بلند کرتی رہوں گی۔ بھائی کے ہاتھ پر راکھی باندھنے والے بہن کے ہاتھ بھی اتنے ہی مضبوط ہیں، یہ آج ثابت ہو گیا ہے۔”