قومی حج کانفرنس کا 22 نومبرکو ممبئی میں انعقاد،حج کیلئےعالمی معیار کی سہولیات کو یقینی بنانے پر توجہ
ممبئی:21نومبر(یواین آئی) :مرکزی وزارت برائے امور حج کی جانب سے 22نومبر کو ممبئی میں قومی حج کانفرنس کاانعقاد کیا جارہاہے،مذکورہ کانفرنس ریاست اورمرکز کے زیر انتظام علاقوں کی حج کمیٹیوں اور حج کمیٹی آف انڈیا کے درمیان تعاون کو مضبوط کرنےاور تمام ہندوستانی عازمین حج کے لیے عالمی معیار کی سہولیات کو یقینی بنانے پر توجہ مرکوز کرے گی۔
یہ قومی حج کانفرنس ہفتہ کو حج ہاؤس ممبئی میں منعقد کی جائے گی۔ اس کانفرنس کی صدارت اقلیتی امور کی وزارت میں سیکریٹری ڈاکٹر چندر شیکھر کمار کریں گے اور اس میں تمام ریاست اور مرکز کے زیر انتظام علاقوں کی حج کمیٹیوں کے ایگزیکٹو افسران شرکت کریں گے تاکہ حج 2026 کی تیاریوں کا جامع جائزہ لیا جا سکے۔ ہندوستان ہرسال ایک لاکھ 75 ہزار سے زیادہ حجاج کرام کو روانہ کرتا ہے اور حکومتِ ہند تمام ہندوستانی عازمین حج کے لیے محفوظ، آسان اور باوقار حج کے سفر کو یقینی بنانے کے تئیں پُرعزم ہے۔ حج کمیٹی آف انڈیا (ایچ سی او ایل) اقلیتی امور کی وزارت کی زیر نگرانی سال بھر عازمین حج کے لیے سہولیات، رابطہ کاری اور خدمات کی فراہمی کو بہتر بنانے کے لیے کام کرتی ہے۔
سی سی او اویس نے کہاکہ کانفرنس کا مقصد ریاستی/مرکزی حج کمیٹیوں اور حج کمیٹی آف انڈیا کے درمیان تعاون کو مضبوط بنانا ہے اور اہم عملی سرگرمیوں کی پیش رفت کا جائزہ لینا ہے۔ درج ذیل نکات اہم ایجنڈے میں شامل ہیں: رہائش اور لاجسٹکس کوترجیح دی گئی ہے،رہائش کے انتظامات کا جائزہ اور متعلقہ سعودی اور ملکی ایجنسیوں کے ساتھ رابطہ کاری۔تمام عازمین حج کے لیے بروقت اور آرام دہ خدمات کو یقینی بنانے کے لیے لاجسٹک منصوبہ بندی کا جائزہ اور نقل و حمل اور سامان کی ہینڈلنگ کے متعلق مسائل پر توجہ دی جائے۔زمین حج کی ہموار نقل و حرکت کے لیے نظام کو مضبوط بنانا،موثر، محفوظ، اور بروقت سامان ہینڈلنگ پروٹوکول کو یقینی بنانا۔حج اسسٹنٹ اور انسپکٹرز کی تربیت کیس کی جائے۔
تربیتی ماڈیولز اور تیاری کا اندازہ کیسا ہوگا،روس کی فراہمی، نظم و ضبط اور آپریشنل پروٹوکول کی پابندی پر زور۔تمام عازمین حج کے لیے جامع طبی اسکریننگ۔
ویکسینیشن اور سرٹیفیکیشن کے عمل کے ایس اے کے رہنما خطوط کے ساتھ منسلک ہیں۔طبی ٹیموں اور معاون عملے کی تعیناتی، تیاری، اور موثر رابطہ کاری۔کانفرنس کا مقصد خامیوں کی نشاندہی کرنا، نظام کو مزید مؤثر بنانا اور مختلف اداروں کے درمیان تعاون کو مضبوط کرنا ہے تاکہ حج 2026 کو تحفظ، کارکردگی اور نگہداشت کے ساتھ نہایت معیاری طریقہ سےانجام دیا جا سکے۔
مذکورہ وزارت نے ایک بار پھر اقلیتی برادریوں کی فلاح و بہبود اور تمام ہندوستانی عازمین حج کے لیے عالمی معیار کی سہولتوں کی فراہمی کے اپنے غیر متزلزل عزم کا اعادہ کیا ہے۔ کانفرنس کے نتائج سے توقع ہے کہ آئندہ حج سیزن کے لیے مجموعی تیاریوں کو نمایاں طور پر مستحکم کیا جاسکے گا۔
یواین آئی/ اے اے اے
