اہم خبریں

مالیگاؤں شہر کی مشہور ومعروف شخصیت و بزرگ عالم دین حضرت مولانا عبدالحمید ازہری انتقال کرگئے

مالیگاؤں : علاقہ مہاراشٹر کی مشہور و معروف علمی شخصیت مولانا عبدالحمید ازہری نےآج 4-ڈسمبر کو شب بارہ بجے داعی اجل کو لبیک کہا، ۔ انا للہ و انا الیہ راجعون۔ ان کی وفات کی خبر سے ساری علمی برادری میں رنج و غم کا ماحول ہو گیا ہے ۔ وہ ایک زبردست عالم دین تھے، ان کی پوری زندگی علمی، دعوتی تربیتی اور اصلاحی جد وجہد سے تعبیر تھی،مرحوم خالص علمی شخصیت کے مالک تھے اور انہیں علماء،طلبہ اور خواص وعوام میں یکساں طورپر قدرو منزلت کی نگاہ سے دیکھا جاتا ہے۔
آج اچانک ان کے انتقال سے متعلقین، عزیز و اقارب، تلامذہ سبھی کو گہرا صدمہ پہنچا ہے۔ مرحوم مولانا عبدالحمید ازہری گزشتہ کچھ دنوں سے سخت علیل تھے ۔ مولانا شہر کی کل جماعتی تنظیم کے اہم رکن شمار کئے جاتے تھے اور ہمیشہ اصلاح معاشرہ کے لئے متفکر اور کوشاں رہتے تھے۔ وہ ملک کے حالات پر گہری نظر رکھتے تھے، اور بے پناہ سیاسی بصیرت کے حامل تھے، اور پوری قوت کے ساتھ اس پر بولتے تھے، حق گوئی و بیباکی ان کا طرۂ امتیاز تھا، ان کے اچانک چلے جانے سے بڑا علمی خلا پیدا ہوگیا ہے، مرحوم سادگی پسند، ملنسار اور ملت اسلامیہ کے لئے درد رکھنے والی شخصیت کے مالک تھے۔
پسماندگان میں تین بیٹیاں اور پانچ بیٹےہیں۔ تدفین کا وقت ابھی طئے نہیں ہوا ہے ۔ مرحوم کا انتقال بڑا علمی و ملی خسارہ ہے ، مولانا عبدالحمید ازہری مرحوم کی عوامی و ملی خدمات کو فراموش نہیں کیا جا سکتا ہے۔ وہ مسلک و مشرب سے اوپر اٹھ کر تمام ہی مکاتب فکرکے اسٹیج سے قوم و ملت کی بات کرتے تھے، اسی وجہ سے انہیں عوام اور علماء میں یکساں مقبولیت حاصل تھی، اللہ تعالیٰ کی بارگاہ میں دعا ہے کہ ان کی خدمات کو قبول فرماکر ان کے درجات بلند فرمائے، اور اعلی علیین میں جگہ مرحمت فرمائے، آمین، جالنہ اور اہلیان جالنہ سے انہیں تعلق تھا یہاں بہت سارے پروگراموں میں وہ آئے اور اپنے تعلیمی دعوتی اور ملی گہرے نقوش چھوڑے، اس اعتبار سے اہلیان جالنہ بھی مولانا کی وفات پر سوگوار ہے،
سوگوار: سید نصراللہ حسینی سہیل ندوی،ناظم دارالعلوم زکریا و نقیب امارت شرعیہ جالنہ
ادارہ کاوش جمیل بھی حضرت کے اہل خانہ کے غم میں‌برابر کا شریک ہے.

kawishejameel

Jameel Ahmed Shaikh Chief Editor: Kawish e Jameel (Maharashtra Government Accredited Journalist) Mob: 9028282166,9028982166

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

error: Content is protected !!