بڑی خبر: مہاراشٹر کو ملی پہلی خاتون نائب وزیرِاعلیٰ؛ راج بھون میں حلف برداری؛ سنیترا پوار نے سنبھالا عہدہ

ممبئی: (کاوش جمیل نیوز) :سیاسی حلقوں سے ایک بڑی خبر سامنے آ رہی ہے۔ آخرکار سنیترا پوار نے مہاراشٹر کی نائب وزیرِاعلیٰ کے عہدے کا حلف لے لیا ہے۔ راج بھون میں نائب وزیرِ اعلیٰ کی حلف برداری کی تقریب منعقد کی گئی، جہاں گورنر نے سنیترا پوار کو عہدے کا حلف دلایا۔ اس حلف برداری کی تقریب میں نیشنلسٹ کانگریس پارٹی کے سرکردہ رہنما موجود تھے۔ اس کے ساتھ ہی سنیترا پوار کو مہاراشٹر کی پہلی خاتون نائب وزیرِ اعلیٰ بننے کا اعزاز حاصل ہوا ہے۔
دریں اثنا، نائب وزیرِ اعلیٰ کی حلف برداری سے قبل ممبئی میں نیشنلسٹ کانگریس پارٹی کے تمام ارکانِ اسمبلی کی ایک اہم میٹنگ منعقد ہوئی تھی۔ اس میٹنگ میں سنیترا پوار کو این سی پی کا گٹ لیڈر منتخب کیا گیا، جس کے بعد انہوں نے نائب وزیرِ اعلیٰ کے عہدے کا حلف اٹھایا۔ گٹ لیڈر منتخب ہونے کے بعد سنیترہ پوار نے اپنی راجیہ سبھا کی رکنیت سے بھی استعفیٰ دے دیا۔
واضح رہے کہ اجیت پوار کے طیارے کو ایک المناک حادثہ پیش آیا تھا، جس میں ان کا انتقال ہو گیا۔ اجیت پوار کے انتقال کے بعد یہ سوال زیرِ بحث تھا کہ نیشنلسٹ کانگریس پارٹی کا نیا گٹ لیڈر کون ہوگا اور نیا نائب وزیرِ اعلیٰ کون بنے گا۔ اب اس سوال کا جواب مل چکا ہے۔ سنیترا پوار نے نائب وزیرِ اعلیٰ کے عہدے کا حلف اٹھا لیا ہے۔ آج راج بھون میں گورنر نے انہیں حلف دلایا، اور وہ مہاراشٹر کی پہلی خاتون نائب وزیرِ اعلیٰ بن گئی ہیں۔ اس سے قبل انہیں این سی پی کے گٹ لیڈر کے طور پر بھی منتخب کیا گیا تھا۔
آج ممبئی میں نیشنلسٹ کانگریس پارٹی کے تمام ارکانِ اسمبلی کی ایک اہم میٹنگ بلائی گئی تھی، جس میں پارٹی کے تمام ایم ایل ایز کے ساتھ ساتھ سینئر قائدین بھی موجود تھے۔ اس میٹنگ میں دو تجاویز پیش کی گئیں۔ پہلی تجویز سنیترا پوار کو گٹ لیڈر منتخب کرنے سے متعلق تھی، جبکہ دوسری تجویز کے تحت سنیترا پوار کو پارٹی سے متعلق تمام فیصلے لینے کا آئینی اختیار دینے پر غور کیا گیا۔ میٹنگ میں دونوں تجاویز کو منظوری دے دی گئی۔ اس کے بعد سنیترا پوار کو باضابطہ طور پر گٹ لیڈر منتخب کیا گیا اور پھر انہوں نے نائب وزیرِ اعلیٰ کے عہدے کا حلف اٹھایا۔ نائب وزیرِ اعلیٰ بننے سے قبل سنیترا پوار راجیہ سبھا کی رکن تھیں۔