مہاراشٹر

سیّد شبّیر کو اردو میں پی.ایچ. ڈی کی ڈگری تفویض

کھام گاؤں (واثق نوید) : ڈاکٹر بابا صاحب امبیڈکر مراٹھواڑہ یونیورسٹی، اورنگ آباد کی جانب سے مؤرخہ 22 فروری 2022 بروز منگل کو ضلع پریشد ہائی اسکول و جونیئر کالج، پیپل گاؤں راجہ تعلقہ کھام گاؤں ضلع بلڈانہ کے مدد گار معلّم سیّد شبّیر سیّد وزیر (ساکن فتح بُرج، ناندیڑ) کو اُردو میں پی. ایچ. ڈی کی گراں قدر ڈگری تفویض کی گئی ہے. انھوں نے معروف تجزیہ نگار پروفیسر ڈاکٹر مقبول سلیم، ریسرچ گائیڈ و صدر شعبہ اُردو پرمیلا دیوی پاٹل کالج، نیکنور ضلع بیڑ کی زیر نگرانی میں ” تانیثیت اور اُردو ہندی افسانہ 1980 کے بعد ” کے موضوع پر اپنا تحقیقی مقالہ آن لائن پیش کیا. اُن کے بیرونی ممتحن پروفیسر ڈاکٹر محمد شفیع چوبدار، ریسرچ گائیڈ و صدر شعبہ اُردو، ایس ایس اے آر آرٹس و کامرس کالج، شولاپور نے آن لائن زبانی امتحان کے موقع پر ان کے تحقیقی کام پر اطمینان کا اظہار کرتے ہوئے اسے جامع و مؤثر قرار دیا. اور انھیں مبارکباد پیش کرتے ہوئے کافی ستائش کی. اس موقع پر ڈاکٹر سیّد شبّیر نے اپنے والد محترم مرحوم الحاج سیّد وزیر کو شدّت سے یاد کیا جن کی محبت اور بیش بہا تعاون سے آج انھیں یہ مقام حاصل ہوا ہے۔ ریسرچ اسکالرز، دوست احباب، رشتہ دار اور طلباء نے ڈاکٹر سیّد شبّیر سیّد وزیر کو پی. ایچ. ڈی کی گراں قدر ڈگری حاصل کرنے پر خوشی کا اظہار کرتے ہوئے مبارکباد پیش کی۔ علاوہ ازیں اس پُر مسرّت موقع پر ڈاکٹر سیّد شبّیر کے برادر اکبر ڈاکٹر سیّد نذیر (معلّم، مرزا غالب اردو پرائمری اسکول، رانی ساورگاؤں، تعلقہ گنگا کھیڑ ضلع پربھنی) نے بھی مبارکباد پیش کی اور نیک تمنّاؤں کا اظہار کیا۔ ضلع پریشد ہائی اسکول وجونیر کالج پیپل گاؤں راجہ کے صدر مدرس اروند ساتو سر، محمد یعقوب سر، ریاض فاروقی سر، غزالہ میڈم، زبیر چودھری سر، تنویر احمد سر، وصیل چشتی سر، اورنصرت اللہ خان ودیگر اساتذہ نے بارک باد پیش کی اور نیک خواہشات کا اظہار کیا.

kawishejameel

Jameel Ahmed Shaikh Chief Editor: Kawish e Jameel (Maharashtra Government Accredited Journalist) Mob: 9028282166,9028982166

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button
error: Content is protected !!
%d bloggers like this: