Title of the document किया अप भी अपने न्यूज़ पेपर की वेब साईट बनाना चहाते है या फिर न्यूज़ पोर्टल बनाना चहाते है तो कॉल करें 9595154683/9028982166
Title of the document किया अप भी अपने न्यूज़ पेपर की वेब साईट बनाना चहाते है या फिर न्यूज़ पोर्टल बनाना चहाते है तो कॉल करें 9595154683/9028982166
ناگپور

ناگپور: ادب اطفال کے معمار ڈاکٹر اشفاق احمد کا انتقال؛ ودربھ کے ادبی حلقے کا بہت بڑا نقصان

kawish e jameel reporter khamgaon dist buldhanaناگپور: (واثق نوید):علاقے ودربھ کے ادب اطفال کے معمار اور مشہور و معروف ادیب ڈاکٹر اشفاق احمد کا آج 21 جون کو صبح تقریباً 11 بجے ناگپور میں دوران علاج انتقال ہوگیا ہے۔ اس خبر سے ادبی و تعلیمی حلقوں میں رنج والم کا ماحول پیدا ہوگیا ہے۔
ڈاکٹر اشفاق احمد پچھلے ایک مہینے سے کووڈ سے متاثر تھے اور ہسپتال میں داخل تھے۔ پچھلے دس بارہ دن سے وینٹیلیٹر پر تھے کل ان کی کڈنی میں سوجن آگئ تھی جس کی وجہ سے ڈائلیسس پر لے گئے تھے۔ جس سے وہ جاں بر نہ ہوسکے۔
اشفاق احمد بہت اچھے بچوں کے ادیب افسانچہ نگار اور انتہائی شریف اور نیک انسان تھے۔ یہ ادب اطفال اور اردو دنیا خاص طور سے ودربھ کے ادبی حلقے کا بہت بڑا نقصان ہے۔
اشفاق احمد کی پیدائش بلڈانہ ضلع کے ایک قصبہ رائے پور میں یکم جولائی 1961 کو ہوئی تھی۔ ابتدائی تعلیم میونسپل کارپوریشن اردو پرائمری اسکول تاج آباد ناگپور میں حاصل کی۔ میٹرک سانے گروجی ودھیالیہ سے پاس کرنے کے بعد بالاپور گورنمنٹ کالج آف ایجوکیشن سے 1980 میں ڈی ایڈ پاس کیا۔ اپنی ذہانت و قابلیت کی بدولت نجی طور پر بارویں جماعت کا امتحان دیکر کامیابی حاصل کی۔ قدوائی ہائی اسکول و جونئر کالج آف آرٹس، سائنس، اینڈ کامرس آسی نگر ٹیکہ ناگپور میں بحثیت معاون معلیم درس وتدریس کے فرائض انجام دیتے اپنی تعلیمی قابلیت میں بھی اضافہ کرتے رہیں۔ بی اے، ایم اے ،بی ایڈ، پی ایچ ڈی، کے ساتھ ساتھ ہندی ، عربی کے امتحانات بھی امتیازی درجات میں کامیاب کیا۔ مرحوم کا درس وتدریس کا سفر 30 جون 2019 کو ختم ہوگیا تھا۔ ایمانداری، جانفشانی سے درس وتدریس سے وظیفہ یاب ہونے کے بعد ادب اطفال کیطرف توجہ دی ۔ یوں تو درس وتدریس کے فرائض انجام دیتے ہوئے مرحوم نے 1981 سے ہی اپنے ادبی سفر کا آغاز کیا تھا ۔ مرحوم کی تقریبا 23 ادبی و تعلیمی تصانیف شائع ہوئی ہیں ۔ ادب اطفال میں مرحوم کی خدمات ہمیشہ یاد رکھیں جائے گی۔ مرحوم کو انکی ادبی و تعلیمی خدمات کے عوض کئی انعامات و اعزازات سے نوازا گیا۔
قریبی ذرائع سے ملی اطلاع کے مطابق انکی تدفین زری پٹکا قبرستان میں بعد نماز عصر عمل میں آئے گی۔
اللہ تعالیٰ مرحوم کی مغفرت فرمائے جنت الفردوس میں اعلیٰ مقام عطا فرمائے اور لواحقین کو صبر جمیل عطا فرمائے آمین

Title of the document किया अप भी अपने न्यूज़ पेपर की वेब साईट बनाना चहाते है या फिर न्यूज़ पोर्टल बनाना चहाते है तो कॉल करें 9595154683/9028982166

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
error: انتباہ:مواد محفوظ ہے