نیٹ (NEET-UG 2026) امتحان منسوخ، طلبہ کو فیس کی 100 فیصد واپسی؛ 27 مئی سے قبل بینک تفصیلات جمع کرانا لازمی
نئی دہلی: (کاوش جمیل نیوز) :نیشنل ٹیسٹنگ ایجنسی (NTA) کی جانب سے منعقد کردہ NEET-UG 2026 امتحان پیپر لیک ہونے کے الزامات کے بعد منسوخ کر دیا گیا ہے۔ اس معاملے کی تحقیقات جاری ہیں اور روزانہ نئے انکشافات سامنے آ رہے ہیں۔ اسی دوران طلبہ اور والدین کو راحت دیتے ہوئے NTA نے تمام امیدواروں کی امتحانی فیس 100 فیصد واپس کرنے کا فیصلہ کیا ہے۔
NTA کے مطابق 3 مئی 2026 کو منعقد ہونے والا NEET-UG امتحان منسوخ کیے جانے کے بعد فیس ریفنڈ کے لیے ایک خصوصی Fee Refund Portal شروع کیا گیا ہے۔ چونکہ دیہی اور نیم شہری علاقوں کے متعدد طلبہ نے فیس نیٹ کیفے یا دیگر افراد کے بینک اکاؤنٹس کے ذریعے جمع کرائی تھی، اس لیے رقم غلط اکاؤنٹ میں منتقل نہ ہو، اسی مقصد کے تحت طلبہ سے براہِ راست ان کے بینک اکاؤنٹ کی معلومات طلب کی جا رہی ہیں۔
طلبہ کو اپنی فیس واپس حاصل کرنے کے لیے 27 مئی 2026 رات 11:50 بجے تک آن لائن طریقے سے بینک اکاؤنٹ کی معلومات جمع کرانا لازمی ہوگا۔
ریفنڈ حاصل کرنے کا طریقۂ کار
سرکاری ویب سائٹ پر جائیں
NEET کی سرکاری ویب سائٹ neet.nta.nic.in پر وزٹ کریں۔
لاگ اِن کریں
اپنا Application Number اور Password یا تاریخِ پیدائش درج کرکے لاگ اِن کریں۔
Refund Link پر کلک کریں
ڈیش بورڈ پر موجود “Fee Refund Window for NEET (UG) – 2026” یا “Refund Link” کے آپشن پر کلک کریں۔
بینک اکاؤنٹ کی تفصیلات درج کریں
درج ذیل معلومات درست طریقے سے فراہم کریں:
اکاؤنٹ ہولڈر کا نام (پاس بک کے مطابق)
بینک اکاؤنٹ نمبر
IFSC کوڈ
بینک کا نام
کینسل چیک یا پاس بک کی کاپی اپ لوڈ کریں
معلومات کی تصدیق کے لیے کینسل چیک یا پاس بک کی اسکین شدہ کاپی اپ لوڈ کی جا سکتی ہے۔ (یہ مرحلہ اختیاری ہے)
فارم جمع کریں اور رسید محفوظ رکھیں
تمام معلومات اچھی طرح چیک کرنے کے بعد فارم سبمٹ کریں۔
سبمیشن کے بعد موصول ہونے والا Confirmation Page ڈاؤن لوڈ کرکے محفوظ رکھیں۔
اہم بات
اگر کوئی امیدوار 21 جون 2026 کو ہونے والے دوبارہ امتحان (Re-Exam) میں شریک ہونے والا ہو، تب بھی اسے فیس ریفنڈ دیا جائے گا اور نئے امتحان کے لیے کوئی اضافی فیس ادا نہیں کرنی ہوگی۔
زمرہ وار ریفنڈ کی رقم
زمرہ (Category) ریفنڈ رقم
جنرل (General) 1,700 روپے
OBC-NCL / General-EWS 1,600 روپے
SC / ST / PwD / تھرڈ جینڈر 1,000 روپے
غیر ملکی / NRI امیدوار 9,500 روپے
خصوصی ہدایت
فیس کی واپسی کے وقت بینک یا پیمنٹ گیٹ وے کے بعض چارجز منہا کیے جا سکتے ہیں۔ اگر ویب سائٹ پر بینک تفصیلات درج کرنے میں کسی قسم کی دشواری پیش آئے تو امیدوار NTA ہیلپ لائن +91-11-40759000 پر رابطہ کر سکتے ہیں یا neetug2026@nta.ac.in پر ای میل بھیج سکتے ہیں۔
امیدواروں کو مشورہ دیا جاتا ہے کہ 27 مئی سے قبل تمام کارروائی مکمل کر لیں تاکہ ریفنڈ کی رقم حاصل کرنے میں کسی قسم کی رکاوٹ پیش نہ آئے۔
