پربھنی: عید کی خوشیاں ماتم میں بدل گئیں ; جنتور ہائی وے پر دل دہلا دینے والا حادثہ، ایک ہی خاندان کے 4 افراد جاں بحق
پربھنی: (کاوشِ جمیل نیوز) :ضلع کے جنتور-چارٹھانہ ہائی وے پر ایک ٹیمپو ٹریولر اور کار کے درمیان سامنے سے زور دار ٹکر ہونے سے ایک ہولناک حادثہ پیش آیا۔ اس حادثے میں ایک ہی خاندان کے 4 افراد موقع پر ہی جاں بحق ہو گئے، جس سے دل دہلانے والا منظر سامنے آیا ہے۔
بسمت کے رہائشی سید خاندان عید کے موقع پر منٹھا میں اپنے رشتہ داروں سے ملنے کے لیے کار سے جا رہے تھے۔ اسی دوران منٹھا سے جنتور کی طرف آنے والے ٹیمپو ٹریولر اور کار کے درمیان آمنے سامنے شدید ٹکر ہو گئی۔ ٹکر اتنی شدید تھی کہ کار سڑک کے کنارے جا گری۔ یہ حادثہ شام تقریباً 5:30 بجے پیش آیا۔
اس افسوسناک حادثے میں کار میں سوار سید اسماعیل سید محبوب، سید سمیہ اظہر علی، اظہر محمود اور 7 سالہ سید اُپاد سید جاں بحق ہو گئے۔ حادثے کے بعد مقامی لوگوں نے فوری طور پر موقع پر پہنچ کر زخمیوں کو اسپتال منتقل کیا، تاہم چاروں افراد جانبر نہ ہو سکے۔
واقعے کے بعد جنتور علاقے میں سوگ کی فضا پھیل گئی ہے اور ہر طرف افسوس کا اظہار کیا جا رہا ہے۔ پولیس نے موقع پر پہنچ کر پنچنامہ کیا ہے اور مزید کارروائی جاری ہے۔
